पोखराको मेयरमा आचार्यलाई १८०७ मतको अग्रता

४ जेठ, पोखरा । पोखरा महानगरपालिकाको मेयरमा नेकपा एकीकृत समाजवादीका धनराज आचार्यले अग्रता बढाउँदै लगेका छन् । मंगलबार राति १२ बजेसम्मको गणनामा उनले नेकपा एमालेका उम्मेदवार कृष्ण थापाले भन्दा १८०७ मत बढी पाएका छन् ।

आचार्यले १२ हजार ३६४ र थापाले १० हजार ५५७ मत पाएका छन् । त्यस्तै राष्ट्रिय प्रजातन्त्र पार्टीका शंकरप्रसाद खरालले एक हजार ३१३ र स्वतन्त्र उम्मेदवार गनेस पौडेलले ७०० मत पाएका छन् ।

उपप्रमुखमा नेपाली कांग्रेसकी कोपिला रानाभाटले मतान्तर बढाउँदै लगेकी छन् । उनले १२ हजार ६५८ मत पाएकी छन् भने नेकपा एमालेकी मञ्जुदेवी गुरुङले १२ हजार ४१ मत पाएकी छन् । त्यस्तै राप्रपाकी रञ्जना सेनले एक हजार १११ मत पाएकी छन् ।

पोखरामा नेकपा एकीकृत समाजवादीलाई नेपाली कांग्रेस, नेकपा माओवादी केन्द्रसहित सत्तारुढ गठबन्धनमा रहेका दलहरुले सहयोग गरेका छन् ।

from समाचार – Online Khabar https://ift.tt/YNW9btC