१६ चैत, काठमाडौं । पोर्चुगल फिफा विश्वकप २०२२ का लागि छनोट भएको छ । कतारमा हुने विश्वकपका लागि युरोपेली छनोटको प्लेअफ फाइनलमा मंगलबार राति नर्थ म्यासेडोनियालाई २-० ले हराउँदै पोर्चुगल छनोट भएको हो ।
पोर्चुगललाई विश्वकपमा पुर्याउन ब्रुनो फर्नान्डेसको महत्वपूर्ण योगदान रह्यो । ३२औं मिनेटमा गोल गर्दै उनले खेलमा सुरुआती अग्रता दिलाएका थिए । उनले कप्तान कप्तान क्रिस्टियानो रोनाल्डोको पासमा गोल गरेका हुन् ।
त्यसअघि पोर्चुगललाई अग्रता दिलाउनबाट कप्तान रोनाल्डो चुकेका थिए ।तर, दोस्रो हाफमा फेरि ब्रुनोले गोल गर्दै अग्रता दोब्बर पारे । ६५औं मिनेटमा डिओगो जोटाको पासमा ब्रुनोले गोल गर्दै टिमलाई विश्वकप पुर्याए ।
म्यासेडोनियाले यसअघि युरो च्याम्पियनलाई निराश बनाउँदै विश्वकप यात्रामा रोक लगाइदिएको थियो ।
यस्तै, युरोपेली छनोटको प्लेअफबाटै पोल्यान्ड पनि विश्वकपका लागि छनोट भएको छ। पोल्याण्डले स्वीडेनलाई हराउँदै छनोट भएको हो ।
from समाचार – Online Khabar https://ift.tt/s5Pfdzq
0 Comments
if you have any doubts, please let us know.