२२ असोज, काठमाडौं । नेकपा एकीकृत समाजवादीका नेता मेटमणी चौधरीले राजनीतिक खेलाडीका लागि मन्त्री पद गौण हुने बताएका छन् ।
समाजवादीबाट मन्त्रीको आकांक्षीसमेत रहेका चौधरीले सो धारणा सार्वजनिक गरेका हुन् । चौधरीले भनेका छन्– दीर्घकालीन चेत राखेर राजनीतिको खुल्ला चौरमा प्रवेश गरेको राजनैतिक खेलाडिको लागि मन्त्री पद गौण विषय बन्न जान्छ ।
एकीकृत समाजवादीबाट बन्ने मन्त्रीहरुको नाम प्रस्ताव गर्दा चौधरीको नाम परेको छैन ।
को मन्त्री बन्यो वा बनेन भन्ने विषय मुख्य नहुने उल्लेख गर्दै उनले सामाजिक सन्जालमा लेखेका छन्, ‘सबै प्रकारका कम्बिनेसनहरू मिल्नु पर्दछ । कहिलेकाहिँ त्यो कम्बिनेसन नमिल्न नि सक्छ । आजको परिस्थिति यहि नै हो ।’
उनले नेतृत्वलाई अनावश्यक दबाब दिनु जरूरी नभएको पनि बताएका छन् । ‘पार्टीलाई अझ सशक्त र समृद्ध बनाउनु जरूरी छ । पार्टी साइजमा नआउँदै कुनै पनि प्रकारका गुनासा र मोलमोलाइको लागि स्पेश दिनु जरूरी देख्दैन,’ उनले भनेका छन् ।
from समाचार – Online Khabar https://ift.tt/3BiUFdD
0 Comments
if you have any doubts, please let us know.