२४ भदौ, काठमाडौं । नेपाली कांग्रेसले भदौ १८ गतेदेखि नै कांग्रेसको १४औ महाधिवेशन सुरु भएको निर्वाचन आयोगलाई जानकारी गराएको छ ।
निर्वाचन आयोगका सहायक-प्रवक्ता कोमलप्रसाद धमलाले बुधबार (हिजो) नेपाली कांग्रेसले आयोगलाई पत्र पठाउँदै महाधिवेशन सुरु भएको जानकारी गराएको बताए ।
उनले भने, ‘कांग्रेसले भदौ १८ गतेबाट महाधिवेशन सुरु भएको बुधबार (हिजो) औपचारिक रुपमा आयोगलाई पत्रमार्फत जानकारी गराएको छ । पत्रमा क्रमिक रूपमा गर्दै जाने भनिएको छ।’
कांग्रेसको महाधिवेशन तालिका अनुसार भदौ १८ गतेदेखि वडा तहको अधिवेशन सुरु भएको हो । संविधानमा व्यवस्था भएबमोजिम पाँच वर्षभित्र केन्द्रीय महाधिवेशन गराइसक्नु पर्ने थियो ।
विशेष अवस्थाका कारण थप गर्न पाउने ६ महिनाको म्याद पनि बुधबारदेखि सकिएको छ । सोही कारण अधिवेशनको प्रक्रिया प्रारम्भ भइसकेको आयोगलाई जानकारी गराइएको हो । कांग्रेसले १४औँ महाधिवेशन आउँदो मंसिर ९-१३ गते गर्ने कार्यतालिका सार्वजनिक गरेको छ ।
from समाचार – Online Khabar https://ift.tt/38UqhcR
0 Comments
if you have any doubts, please let us know.