रुपन्देहीमा थप एकजना कोरोना संक्रमितको मृत्‍यु

२६ वैशाख, बुटवल। रुपन्देहीमा थप एकजना कोरोना संक्रमितको मृत्यु भएको छ । बुटवल उपमहानगरपालिका-१४ की ५२ वर्षीया महिलाको बुटवल धागो कारखानामा सञ्चालित कोरोना विशेष अस्थायी अस्पतालमा उपचारका क्रममा मृत्यु भएको हो ।

वैशाख १३ गते संक्रमण पुष्टी भएकी उनी १५ गते अस्पताल भर्ना भएकी थिइन् । उनको उपचारका क्रममा शनिबार बिहान ७ बजे मृत्यु भएको अस्पतालका सूचना अधिकारी डा.विष्णु गौतमले जानकारी दिए ।

संक्रमित महिलामा निमोनियाको समस्या रहेको डा.गौतमले बताए । स्वास्थ्य कार्यालय रुपन्देहीका अनुसार योसँगै रुपन्देहीमा कोरोना संक्रमितको मृत्यु हुने संख्या २६४ पुगेको छ ।

from समाचार – Online Khabar https://ift.tt/3h96Nqp