महासंघमा कोभिड-१९ सहायता केन्द्र स्थापना, समस्या परे फोनबाट टिपाउन सकिने

 २९ वैशाख, काठमाडौं । नेपाल उद्योग वाणिज्य महासंघले कोभिड १९ सहायता केन्द्र संचालनमा ल्याएको छ । महासंघका पदाधिकारी र सम्वद्ध अधिकारीको बैठकले उक्त सहायता केन्द्र स्थापना गर्ने निर्णय गरेको हो ।

उक्त केन्द्रको समन्वय महासंघका वरिष्ठ उपाध्यक्ष चन्द्र प्रसाद ढकालले गर्ने भएका छन् । कोभिड १९ सहायता केन्द्रलाई प्रभावकारी रूपमा अगाडि बढाउन जिम्मेवारी बाँडफाँट समेत गरिएको महासंले जर्नाको छ ।

यस्तो छ महासंघका पदाधिकारीलाई दिइएको जिम्मेवारी

क्र.सं.	सहायता हुने अत्यावश्यक क्षेत्रहरू	सम्पर्क व्यक्ति
१.	अक्सिजन सिलिण्डर व्यवस्थापन	रामचन्द्र संघई, शौरभ ज्योति
२.	अस्पताल/आइसोलेसन केन्द्र सहजीकरण	हेमराज ढकाल, रविन श्रेष्ठ
३.	अस्पताल व्यवस्थापन	ई.देशबन्धु बस्नेत (अजित)
		बाबुकाजी कार्की
		डा. केयुर गौतम
४.	एम्वुलेन्स/आइशोलेसन केन्द्र	रन्जितराज आचार्य
५.	औषधि/मेडिकल उपकरण	प्रवलजंग पाण्डे
		भक्त हमाल
६.	होटल/हवाई यातायात	ज्योत्सना श्रेष्ठ, विनायक शाह, विनोद सापकोटा

सहायता केन्द्रबाट सेवा लिन महासंघ सचिवालयका सम्पर्क अधिकृतद्धय हरि पौड्याल (९८०१०९६८१२) र रिंकु घिमिरे (९८०११९२५९१) लाई टेलिफोन वा एसएमएस मार्फत सम्पर्क गरि आफूलाई आवश्यक सेवा टिपाउन सकिने भएको छ ।

सहायता केन्द्रमा तोकिएको जिम्मेवारी अनुसार सदस्यहरूले महासंघका सदस्य, उद्यमी व्यवसायी एवं सर्वसाधारणको माग अनुसार सेवा प्रवाह गर्न सहजीकरण र समन्वयका लागि सम्बन्धित निकायसंग पहल गर्ने भएका छन् ।

समस्यामा परेका, कोरोना उपचारमा सहजीकरण र समन्वय खोजीरहेका निकै धेरै मानिसलाई स्वास्थ्य सहायता केन्द्रका तर्फबाट निरन्तर सहयोग एवं समन्वय हुने महासंघको भनाइ छ । यसअघि महासंघले हेल्लो डाक्टर संचालनमा ल्याई कोभिड संक्रमणमा परेकालाई डाक्टरहरूबाट स्वास्थ्य परमर्श दिइरहेको छ ।

from समाचार – Online Khabar https://ift.tt/3ffJVD5